કંઇ નથી કહેતા

તમારી આંખડીના આ  ઇશારા કંઇ નથી કહેતા
થયું છે શું હવે આ બોલનારા કંઇ નથી કહેતા

અમે આ આંગળીઓ ડાળકીએ જઇ જરામૂકી,
અમારી યાદના ગુલ ખાળનારા કંઇ નથી કહેતા

રહી છે ચુપ આ આંખો ને હોઠે મૌનના ડુંગર,
રગે રગમા આ તણખા વાવનારા કંઈનથી કહેતા

બધી અફવા રચાઇ છે રહી આ મૌનના હોઠે,
છતાં એ તહોમતોને ઓઢનારા કંઇ નથી કહેતા

કદી તો એક ખામોશી દિયે આખો ભરમ ચીરી,
કદી શબ્દો તણા શ્રુંગ તોડનારા કંઇ નથી કહેતા

ગયા ટહુકા, ગયા ગીતો, ગયા ગુલશન, ગયા ફૂલો,
જુઓ બુલબુલની આંખો લુંછનારા કંઇ નથી કહેતા

બધા ખામોશ છે આજે બધી આંખે દરદભીના,
ગયું છે કોઇ હમણા પણ જનાર કંઇ નથી કહેતા

“વફા”મા જિઁદગી ની મ્હેક ને ફેલાવવા કાજે
દિલોને ધુપ સળી થૈ બાળનારા કંઇ નથી કહેતા

મુહમ્મદઅલી “વફા”

મુહમદઅલી ભૈડુ ના સ્વમુખે આ ગઝલ સાંભળવા અહીં ક્લીક કરો. – કંઇ નથી કહેતા– કાવ્યપઠન

સ્તબ્ધ આંખોની કરો ખુલ્લી તપાસ
ભોંયરાંઓ એનાં ક્યાં ક્યાં નીકળે

રમેશ પારેખ