Posted by: Shabdsetu | ડિસેમ્બર 28, 2011

સમયની ઝીણી ચારણમાં હું ગોતું છું પોતે મને

હું ગોતું છું પોતે મને

પવન પૂછે અતાપતા, મંજિલો ખુદ ગોતે મને
સમયની ઝીણી ચારણમાં હું ગોતું છું પોતે મને.

ગભરુ  કેડી શેરીની  ખોવાઇ  ગઇ’તી ભીડમાં,
શ્વાસ ભરતી લયગતિ પ્રોવાઇ ગઇ’તી ભીડમાં,
ટહુકા શોધે વનવનમાં, ક્યાંથી ભલા એ જોતે મને,
સમયની ઝીણી ચારણમાં હું ગોતું છું પોતે મને.

હયાતિ વેતાળ ખભે, પૂરવ-સૂરીનો ભાર ખભે,
અમલ ઘોળેલી હવામાં નશીલા ઓથાર નભે,
સવાલોના ગળે ટૂંપા શરતને સમજોતે મને,
સમયની ઝીણી ચારણમાં હું ગોતું છું પોતે મને.

મેં ધર્યું તરણું તો સાગર ઓળઘોળ ઓવારી ગયો,
ઉચકી મુજને  હળવેથી  કિનારા સુધી તારી ગયો,
મેં કેમ માન્યું કે જગતમાં કોઇ ના ખોતે મને,
સમયની ઝીણી ચારણમાં હું ગોતું છું પોતે મને.

કરમ નામે ભરમ પાળ્યો, ભરમ નામે પડછાયો,
જનમનાં વાઘાં પહેર્યાં વિણ પરમ નામે પરખાયો,
પરગટ થઇ સામે આવે તો એની પરખ હોતે મને,
સમયની ઝીણી ચારણમાં હું ગોતું છું પોતે મને.

કીર્તિકાન્ત પુરોહિત

કીર્તિકાંત પુરોહિતના સ્વમુખે આ રચના સાંભળવા અહીં ક્લીક કરો.
સમયની ઝીણી ચારણમાં હું ગોતું છું પોતે મને – કાવ્યપઠન

તમે એકવાર એનામાં ખોવાયા બાદ
કદી પોતાની જાતને જડ્યા છો?

મુકેશ જોષી

Advertisements

Responses

  1. આજના મંગલ પ્રભાતે આપને તથા આપના કુટુંબીજનોને
    ૨૦૧૨ ના મંગલ નુતન વર્ષની શુભ કામના

    આવ્યો છે આજ અવસરીયો રૂડો આનંદોને ઉલ્હાસોને
    બે હજાર બારનાં વધામણાં કરી (૨) નવા વરસને વધાવો ને… આવ્યો.

    સ્વપ્ન જેસરવાકર ( પરાર્થે સમર્પણ)

    Like

  2. કરમ નામે ભરમ પાળ્યો, ભરમ નામે પડછાયો,
    જનમનાં વાઘાં પહેર્યાં વિણ પરમ નામે પરખાયો,
    પરગટ થઇ સામે આવે તો એની પરખ હોતે મને,
    સમયની ઝીણી ચારણમાં હું ગોતું છું પોતે મને.
    મજાનો લય અને આંતર્લય ધરાવતું સુંદર ગીત, ગમ્યું..

    Like


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

શ્રેણીઓ

%d bloggers like this: