વરસો વહી જાશે

વરસો વહી જાશે

રણોની રેતકણ ગણતાં અગણ વરસો વહી જાશે
ક્ષણોની ધડપકડ કરતાં અગણ વરસો વહી જાશે

નિયમસર રોજ આવીને, જગત તેજે જગાવે એ
રવિના ઋણ ચૂકવતાં અગણ વરસો વહી જાશે

દવા હર રોગની મળશે, દરદ મટશે સમય જાતાં
જિગરના ઘાવ રૂઝવતાં અગણ વરસો વહી જાશે

કરમના બીજ વાવી ને, ઊગવશે સફલના વેલા
ઉન્નતિની ફસલ વણતાં અગણ વરસો વહી જાશે

સદા સજતો રહ્યો જે સૃષ્ટિને આરંભથી અબ તક
અનાદિ રૂપને કળતાં અગણ વરસો વહી જાશે

બાબુ પટેલ

મરણને જીવનનો ઇજારો સમર્પી
ફનાને આપી અમરતાની બહાલી
સુરક્ષિત રહે એના સર્જન રહસ્યો
એ ખાતર વિધાતા ગયો ચાલ ચાલી

શૂન્ય પાલનપૂરી