બીજા શબ્દોમાં ગઝલ કહેવાય છે – અદમ ટંકારવી

મુક્તક

ક્યાંક ઊથલ ક્યાંક પાથલ થાય છે
છોકરીનો અર્થ હલચલ થાય છે
બે જણા છાયે કરે છે ગુફ્તગુ
સાંભળીને એક ઝાડ જંગલ થાય છે

કલાપી ઍવોર્ડથી સન્માનિત અદમ ટંકારવીના સ્વમુખે એમની ગઝલ સાંભળવા અહીં ક્લીક કરો.
બીજા શબ્દોમાં ગઝલ કહેવાય છે –  કાવ્યપઠન

આ તને જોઈ મને જે થાય છે
બીજા શબ્દોમાં ગઝલ કહેવાય છે

તારા પરથી નજર ખસતી નથી
ને ખસે તો ત્યાંય તું દેખાય છે

આમ જો પૂછે તો તું સંદિગ્ધ છે
આમ તારો અર્થ પણ સમજાય છે

હું યે ક્યાં ક્યાં આવી શોધુ છું તને
તુંયે ક્યાં ક્યાં જઈ અને સંતાય છે

થાય મારાથી શરૂ પણ તે પછી
આ કથા તારા સુધી લંબાય છે

સૌની આંખોમાં આ એક જ પશ્ન છે
અમને મૂકીને બધા ક્યાં જાય છે.

અદમ ટંકારવી

એક તારું નામ લખતાં આવડ્યું,
તે પછી તો સ્લેટ આ કોરી રહી.