અફવા પછી – અહમદ ‘ગુલ’

અહમદ ‘ગુલ’ના સ્વમુખે એમની ગઝલ સાંભળવા અહીં ક્લીક કરો.
અફવા પછી – કાવ્યપઠન

કોઈને ક્યાં ભાન છે અફવા પછી
ભીંતને પણ કાન છે અફવા પછી

આ નગરનું હોશમાં આવી જવું
લોક પણ હેરાન છે અફવા પછી

હું જ છું તાજા ખબર વાંચો મને
એ જ તો પહેચાન છે અફવા પછી

હર ઘડી લડતા જ રહેવાનું અહીં
જિંદગી મેદાન છે અફવા પછી

ચકચકિત આ રોશનીનું શહર પણ
એક જૂઠી શાન છે અફવા પછી

દર્દ ઘાતક કેટલું એ દઈ ગયો
શબ્દને ક્યાં ભાન છે અફવા પછી

છે અવાચક ગામ આખું ક્યારનું
હર ગલી બેજાન છે અફવા પછી

કોઈ અલગારી હશે આ ‘ગુલ’ સમો
કેટલો બેધ્યાન છે અફવા પછી

અહમદ ‘ગુલ’

જોખમી હોવા છતાં હર શક્યતાને અનુસર્યા
હર વળાંકે, શક્યતા સાક્ષાત અફવા નીકળી

ડૉ.મહેશ રાવલ