સાંકળ મોકળ સિનિયર હોમમાં
કેવી મજા આપણ બેઉ, સાંકળ મોકડ રહીએ
સાંકળ મોકડ નવેસરથી ઘર ઘર રમતાં રહીએ
નાનો અમથો ઘરસંસાર, પણ કારભાર તો મોટો
ડોલરિયા દેશમાં આપણો રૂપિયો નીકળ્યો ખોટો
ત્યાંતો પહેલાં બંગલામાં રમતા સંતાકૂકડી
અહીં એક ઓરડામાં અથડાઅથડી ઝાઝી
ડાબે જમણે ઉપર નીચે ભીંતે સંઘર્યો સામાન
જે જોઈએ એ હાથવગું બધું લાગે બહું આસાન
વારાફરતી આગળ પાછળ ભઈ ડોક્ટરો બહુ દોડે
હોસ્પિટલો પણ હાથવગી ભઈ પીછો કદી ના છોડે
ઉપરથી માંદા પડવાની મજા મફતમાં માણીએ
ટગુમગુ પણ હરતાં ફરતાં નિત નવું કાંઈ જાણીએ
કાળા, ધોળા, પીળા સાથ, કઈ બોલીમાં કહુ હું કલામ
લંબાવી દોસ્તીનો હાથ, હાય બાય ને લટકતી સલામ
લોક ઉભરાય થોક થોક અહીં ચીપકાવી મહોરા
પણ ક્યાંયે નજરે ના પડે એ ચિરપરિચિત ચહેરા
આવ્યા ને ગયા કેટલાં, ખોયા ને મળ્યા કેટલાં
થયા સ્થાનભ્રષ્ટ જેટલાં, ઊભા અડીખમ એટલાં
સાંકળ મોકડ નવેસરથી ઘર ઘર રમતાં રહીએ
એકલતાને સ્વતંત્રતા કહી મગરૂરીથી જીવીએ!
આ મૂંગા શહેરમાં કોઈને કંઈ પુછાય નહીં
ને લાગણીના ચહેરાઓ ઓળખાય નહીં
જવાહર બક્ષી
શબ્દસેતુ 
સાંકળ મોકડ નવેસરથી ઘર ઘર રમતાં રહીએ
એકલતાને સ્વતંત્રતા કહી મગરૂરીથી જીવીએ!
wonderful
LikeLike
By: pravina on જૂન 19, 2012
at 5:08 પી એમ(pm)
પરમ સમીપે…
LikeLike
By: અમિત પટેલ on જૂન 7, 2012
at 4:46 એ એમ (am)
પરમાત્મા બધાને હાલતા ચાલતા રાખે એજ પ્રાર્થના.
જીવન જયારે જાય સૂકાઈ, ગીત સુધા ઝરન્તા આવો.
માધુર્ય માત્ર જાય છુપાઈ, કરુણા વરસંતા આવો.
રવીન્દ્રનાથ ટાગોરના ગીત નો ભાવાનુવાદ મહાદેવ દેસાઈ
LikeLike
By: ઈશ્વર ર દરજી on મે 30, 2012
at 7:34 પી એમ(pm)
“સાંકળ મોકળ નવેસરથી ઘર ઘર રમતાં રહીએ
એકલતાને સ્વતંત્રતા કહી મગરૂરીથી જીવીએ!” સરસ.
જ્યાં રહિએ ત્યાં અંતરનો બગીચો ખીલેલો રાખનાર, હું માળી….સરયૂ પરીખ
http://www.saryu.wordpress.com
LikeLike
By: SARYU PARIKH on મે 30, 2012
at 11:54 એ એમ (am)
વ્યથાભરી પરિસ્થિતિને હળવાશમાં લેવાનો આનાથી વધુ સારો પ્રયાસ કેવો હોઈ શકે …??!!!!
LikeLike
By: અશોક જાની 'આનંદ' on મે 30, 2012
at 6:44 એ એમ (am)