કસોટી તું કરી લે જે
જગતમાં દાવ જીતે છે કપટ છલ ખેલનારાઓ
ગુમાવે હાથની બાજી ઘણાં સચ બોલનારાઓ
ઘરેઘર જાય છે લબ મધ ધરી મત માંગવાને જે
કરે મત લૈ ઉચાપત એ દગલ કર ચોરનારાઓ
શિખાડે જે તને તરકીબ સાગર પાર કરવાની
કિનારે એ ડુબાડે છે છલન કળ જાણનારાઓ
બગલ છૂરી છુપાવી રામનું જે નામ લૈ ચાલે
ઠગાવે વેશધારી એ પરમપદ વેચનારાઓ
કસોટી તું કરી લે જે પ્રણય ને પામવા કાજે
ફસાવે છે વફા નામે હવસ રત ખેલનારાઓ
બાબુ પટેલ
હમે જોગી બધા વરવા સ્મશાનો ઢૂંઢનારાઓ !
તહીંનાં ભૂતને ગાઈ જગાવી ખેલનારાઓ !
કવિ કલાપી
શબ્દસેતુ 
Bahu sundar rachna
LikeLike
By: pareejat on ડિસેમ્બર 9, 2015
at 6:47 એ એમ (am)